任食雞煲再打邊爐-同人鍋

天氣一轉凍就有食火鍋的衝動，趁假期跟男朋友去尖沙咀睇完戲，就係附近搵間火鍋放題拾下拾下。今次黎到同人鍋無限時雞煲海鮮肥牛火鍋，食完雞煲再打邊爐，冇限時可以慢慢食。

菜單上的火鍋配料都是任食!

飲品任飲。

雞煲選了中辣，滾起後再加薯粉，薯粉掛湯能力高，吸滿湯汁好濃郁。 

雞肉入味肉質也算嫩滑，香辣感重好惹味。雞煲食完唔夠仲可以refill。

  食完雞煲轉打邊爐選了花膠雞湯底，店員隨即送上火鍋配料。

湯底真材實料有大量花膠，清清地可以補充骨膠原。

 套餐包一碟安格斯肥牛，質素唔錯入口軟滑甘香。

海鮮拼盤，每日會供應不同款式，今日有鮑魚、象拔蚌仔、廣島蠔 、白蜆、魷魚、海蝦等。

超大隻象拔蚌仔，肉厚鮮甜。

鮑魚也不錯，細細隻好彈牙。

其他配料各點了少量試試，都是一般火鍋配料貨色，不錯。

較特別的有紫薯及綠茶口味水晶包，外皮煙煙韌韌特別又好味。

每人三百蚊左右，唔算好平但也合理抵食。